Еліміздің рухани астанасы Алматыда «Қазіргі заманғы қазақ романы» әдеби жобасының жеңімпаздарын марапаттау рәсімі өтті

Заманауи қазақ прозасын дамытуға және жаңа авторларды қолдауға бағытталған бұл жоба ERG директорлар кеңесінің төрағасы Шухрат Ибрагимовтың қолдауымен жүзеге асырылды.

Байқауға 3000-нан астам өтінім келіп түсті. Іріктеу қорытындысы бойынша финалға 8 автор шықты: олардың 7-еуі 3 000 000 теңге көлемінде қаламақы алып, романдары 1000 данамен жарық көрді. Іс-шара барысында осы кітаптардың тұсаукесері өтті.

Финалистер қатарында:

Думан Рамазан («Сынақ»), Қуаныш Жиенбай («Аралқұмдағы ақырғы аялдама»), Нұржан Қуантайұлы («Опасыз ойын»), Асқар Алтай («Каскад»), Мұрат Алмасбек («Екі жағалау»), Қуат Бораш («Тәубе»), Айым Ақылтай («Қарыз»).

Жүсіпбек Қорғасбек «Кельндегі көкжал» романы үшін Гран-при иегері атанды. Жеңімпаз 15 000 000 теңге сыйақы алды. Байқау қорытындысы бойынша шығарма желісімен фильм түсіріліп, үлкен экранға жол тартады.